ငါတို့ကဗျာ ၀ပ်ရှော့က
ကဗျာတစ်ပုဒ်စီ ရေးယူခဲ့ရမယ် ပြောတယ်
ငါက နှစ်ပုဒ်ရေးမိသွားတယ်
သူတို့ကို နှစ်ပုဒ်လုံး သွားပြရင်
ဖတ်နေကြရမှာ အားနာစရာ
ကဗျာနှစ်ပုဒ်ကို ခွဲဖတ်လို့လည်း မကောင်းဘူး
ခေါင်းချင်းဆက်ထားသလိုမျိုး
ပြီးတော့ လူကြားထဲ
ပေါ်တင်ကြီးဖတ်လို့ မသင့်ဘူးထင်တယ်။
ဒါနဲ့ပဲ ဒီ တတိယကဗျာကို ရေးလိုက်ရတယ် ။
သူကိုတော့ ဘယ်လိုဖတ်ဖတ်
ကျယ်ကျယ်အော်အော်
တိုးတိုးညဉ်းညဉ်း
စိတ်နဲ့ ရွတ်ရွတ်
တစ်ခုပဲ
ငါယူမသွားတဲ့ ကဗျာနှစ်ပုဒ်တော့
ဟောဒီ တတိယကဗျာထဲ
ဝှက်ထားလိုက်မိတယ်
Three in one ပေါ့ ။
ဒါကို
အခု ဖတ်ရင်း တွေ့ သွားကြရင်လည်း
ခံစားကြပစေတော့ပေါ့
နင့်နဲ ကြေကွဲကြဦးပေါ့
ရင်ဘတ်တွေတုန်သွားအောင် ထိခိုက်ကြစမ်းပေါ့
ငါတော့
မသိချင်ယောင်ဆောင်ပြီး ဟိုသည် ငေးနေလိုက်ရုံ ။ ။
No comments:
Post a Comment