တော်ပြီ
နောက်တစ်ချပ် ထပ်မဖွင့်နဲ့တော့
ကိုယ်ပူချိန်တက် ကားအင်ဂျင်သံ
လည်ချောင်းကွဲ ချောင်းခြောက်ဆိုးသံ
တစ်ခြမ်းလောက်ပဲ လက်ခံချင်တယ်
ဈေးသည်မိန်းမ
နောက်ကျကျန်ရစ် ခြေတစ်ဖက်
အမြီးကုပ်ကုပ် ခွေးတစ်ဝက်
တိမ်လေးပုံတစ်ပုံနဲ့ ကန့်သတ်ကောင်းကင်
အနားယူ ဆူပါကပ်၊ မတ်တပ်ဓာတ်တိုင်
ဆိုက်ကား ကွန်ပေါင်းတာယာ ရှေ့ဘီးနံပါတ် သုံးသုံးကိုး
တာတို အပြေးပြိုင် တယ်လီဖုန်းကြိုးနဲ့ ဓာတ်ကြိုး
သွားလေသူ စက္ကူစွန်အရိုးစု
ခုန်ဆွစာကလေး ကိုးကောင်ခွဲ
သက်တမ်းလွန် တဲတစ်လုံးရဲ့ အပေါ်ဖွင့် ပြတင်းပေါက်
ဒီပြတင်းပေါက်မှာ တင်ဆက်နေတဲ့ ရေသည်ပြဇာတ်
မြွေအရေခွံလမ်း အပြတ်တစ်စ
အားလုံး ပြတင်းပေါက် တစ်ဝက်မှာ
ယာယီ ကော်နဲ့ကပ်လို့
ကျန်တံခါးတစ်ချပ်ကို ဖွင့်လိုက်ရင်
ဘာတွေမြင်ဦးမလဲ
သိတော့ သိလိုက်ချင်ပါသေးတယ် ။ ။
Subscribe to:
Post Comments (Atom)
No comments:
Post a Comment