အလွမ်း

ကီးတစ်ခုချော်နေတဲ့ ဂစ်တာကိုမှ
ခင်ဗျားတီးချင်တယ်
အမှန်တရားဟာ
ကြိုးငါးချောင်းစာ အသံထွက်ညီနေစေဦးတော့
တစ်လှေလုံးပုပ်သွားတဲ့ ဂီတဟာ
ဆုံးရှုံးမှုနံပါတ် ဘယ်လောက်ဖြစ်မလဲ
တန်ရာတန်ကြေးဟာ
မျှတတဲ့ အပေးအယူတဲ့
မေတ္တာတု မေတ္တာယောင်ကို မသိသရွေ့
ပေးလိုက်ရလေသမျှမှာ
ခင်ဗျားဘာမှ ပြန်မရဘူး ။

လက်လှည့်သင့်ရာ ရာသီဥတုတွေ သိမ်းကြုံးပြီး
တစ်ခါက နေ့များဆီ
ညနေခင်းတစ်ခုစာ
ငါပြန်လာတယ်
ဒီနေ့ခေတ်ရဲ့ လက်ဖက်ရည်တစ်ခွက်ထဲမှာ
ဟိုတုန်းက တို့နှစ်ယောက်ကို
ရှာလို့မှ တွေ့နိုင်ပါ့မလား
ထင်ယောင်မှားမှုနဲ့ မမြဲခြင်းတေးသွားကို
သံယောင်လိုက်ဖို့
ဆုံးရှုံးမှုမှာလည်း နားရည်ဝခဲ့ပြီ ။         ။

ဒီမိုနေ