ဒီနွေ

နွေဦးရဲ့   အစောဆုံးနေ့တစ်နေ့က
မနက်အိပ်ယာထထချင်း ကြွေနေတဲ့
ဒီသစ်ရွက်ခြောက်တွေလို
မလှည်းနိုင် မကျင်းနိုင် အလွမ်းတွေ ပွစာတက်နေရ
အဲဒီ မှိုင်းညို့  မှုထဲမှာ
အချစ်ဆိုတာ ပိုနားလည်လာမှ
အိပ်ယာနိုးနိုးချင်း အလွမ်းတွေဟာ
သစ်ရွက်ခြောက်တွေဖြစ်လို့
ဒီနွေဦးပါပဲ ...
ဟောဒီ ပထမဆုံးရာသီ
အဦးဆုံးကြေကွဲဖြစ်ခဲ့ မနက်ခင်းလေး
မထွေးနိုင် မအန်နိုင် အဆွေးဓာတ်ကို
မှိုင်းမှိုင်းပျပျ သတိရမိတဲ့ နေ့တစ်နေ့
အချစ်ဆိုတာ သစ်ရွက်တစ်ရွက်လို လွင့်ပါးသွားတတ်ပါသလားကွယ်
အဲလို နားလည်ချင်လာမိတဲ့
နွေရဲ့  အစ
ခွင့်လွှတ်ပါ ညီမလေးရယ်
ဘ၀ဟာ နွေဦးရာသီလို မက်မောစရာကောင်းလွန်းမနေတာ
မင်းသိလာတဲ့တစ်နေ့
ငါဟာ လွမ်းစရာအကောင်းဆုံးဇာတ်လမ်းတစ်ပုဒ်အကြောင်း
ခေတ်ဟောင်းတေးတစ်ပုဒ်လို မင်းကို ဆိုပြမယ်
ကလေးရဲ
ကွယ်
ထပ်ပြောပြန်ရင်လည်း
လွမ်းတယ် ... ပဲ ဖြစ်ဦးမှာမို့
ငါ့တံခါးကို ငါပိတ်လို့
အိပ်ပါရစေတော့ကွယ် ........ ။

ဒီမိုနေ