အခန်း

နာရီချိန်သီးတွေ ယိမ်းနွဲ့နေတဲ့အကနဲ့
အမှောင်တွေ ကွေးဝင်နေတဲ့ ထောင့်တစ်ခုစီမှာ
အသံမပါတဲ့ နှုတ်ခမ်းတွေ လွတ်လမ်းရှာနေ
နံရံပေါ်မှာ ပန်းချီကားတစ်ချပ်
ငါ့ကို ငုံ့ကြည့်နေ

အသာအယာစေ့ထားတဲ့ တံခါးရဲ့တစ်ဖက်မှာ
ညစ်ညူးရယ်သံတို့ ခိုးယူသွားတဲ့ ၀င်သက်ထွက်သက်တချို့
ငါ့ကို ရို့ကျိုးပုံမရဘူး

ပွင့်ခြောက်တွေအကြောင်း မျိုသိပ်ထားတဲ့
သက်ကြားအိုပန်းအိုးတစ်လုံး နှုတ်ခမ်းနီ မဆိုးနိုင်တော့

“စီးကရက်အသစ်တစ်လိပ်ရဲ့ တစ်ခုခုကို စောင့်နေပုံမျိုး”
ဒီမျက်နှာကြက်အောက်မှာ
မနက်ဖြန်တွေအားလုံး တစုတစည်းထဲ ရှိနေတုန်းလား
သားဆက်ဖြတ်ထားတဲ့ ပြက္ခဒိန်အဟောင်းတွေကတော့
ကိုယ့်ကိုယ်ကို လှန်လျောပြနေ

ပြောင်လက်နေအောင် တိုက်ချွတ်ထားတဲ့ နားရွက်တွေဆီ
ခေါ်သံတွေ တအိအိတိုက်ခတ်မလာတော့ .......

ကာလသုံးပါးစလုံး ကိုယ့်ကိုယ်ကို ရှာတွေ့မသွားတဲ့ကောင်ပေါ့
အခန်းထဲမှာ
ရင်ဘတ်တစ်ခြမ်း ခပ်ယဲ့ယဲ့နဲ့အတူ
လည်ပင်း မျက်နှာကြက်မှာ ချိတ်ရင်း
ခပ်မှိန်မှိန် လင်းပြနေ .......

မိုးသက်
(ကျွန်တော့်အစ်ကို ကိုအဏ္ဏ၀ါ ရဲ့ ကဗျာတစ်ပုဒ်ပါ)