နွေလယ်ခေါင်

နွေလယ်ခေါင်ဟာ
ငါနဲ့ ဆွေမျိုးသားချင်း တော်စပ်ဖူးတယ်
နွေလယ်ခေါင်ဟာ
ငါရွတ်ဖူးတဲ့ ကဗျာတစ်ပုဒ်
နွေလယ်ခေါင်ဟာ
အတောမသတ်နိုင်တဲ့ လောဘနဲ့
မှန်းမရတဲ့ အပူမီးနဲ့
အထီးကျန်ခြင်းဆိုတာ
ဆွေစဉ်မျိုးဆက် ထိန်းသိမ်းလာတဲ့
ကြောက်မက်ဖွယ် သူ့ဂုဏ်အင်္ဂါ
နွေလယ်ခေါင်ဟာ
ပင်ပန်းတကြီး အိပ်ပျော်နေသူတွေကို
အလန့်တကြား..
နိုးထစေခဲ့ပြီ ။
နွေယ်လယ်ခေါင်ဟာ
သစ်ပင်တွေရဲ့ သူရူးဆန်ဆန်လှုပ်ရှားမှုမှာ
လေပူပူတွေကို ထင်ရာစိုင်းခွင့်ပြုခဲ့ပြီ
နွေလယ်ခေါင်ဟာ
စေးထန်းထန်း ချွေးစက်များ
အညစ်အကြေးများ ကပ်ငြိ
တိုက်ချွတ်မဆေးကြောနိုင်တော့တဲ့
ဖန်တရာတေ ကိုယ်ခန္ဓာအဟောင်းများအား
ဆောက်တည်ရာမဲ့စေခဲ့ပြီ
နွေလယ်ခေါင်ဟာ
ကြွပ်ဆပ်ခြောက်သယောင်းမှုအားလုံးရဲ့
တရားခံအဖြစ်
နွေအလယ်ခေါင်တည့်တည့်မှာ
အကျဉ်းကျခံခဲ့ရပြီ
ငါဟာ
နွေလယ်ခေါင်မှာ
ကျိန်စာသင့်ခံရသူသက်သက် ။         ။

ဒီမိုနေ