ရေ

တစ်ရပ်ကွက်လုံး အပေါ်ယံတွေထိန်လင်း
ငါ့အိမ်ကလေး မှောင်နေတယ်
အဲဒီမှောင်နေတဲ့ အိမ်ခန်းကျဉ်းထဲ
ငါ့မိဘနှစ်ပါးရယ်
ငါ့ညီမလေးနှစ်ယောက်ရယ်
လူဖြစ်ပေမယ့် လူဖြစ်ရတဲ့အကြောင်းမသိတဲ့
ငါ့ညီရယ်
အဲဒီအိမ်ထဲမှာ
ငါကမုဆိုး
ငါကသားကောင်
ငါ့ကို လိုက်ဖမ်းနေတဲ့ ငွေကြေးနဲ့
ငါက လိုက်သတ်နေတဲ့ ငွေယဉ်ကျေးမှု
“အိမ်ရှင်မရယ် စိတ်မပူပါနဲ့
ယောက်ျားလေးပဲ ထောင်အပြင် တန်းမရှိ
ငါတို့ ကံတရားအတိုင်းပေါ့
တစ်နေ့ ! သူပြင်မှာပါကွာ ”
ကြားရတာမေ့ဖို့
ည, ည အဓိပ္ပါယ်ရှိရှိ အဓိပ္ပါယ်မဲ့တတ်တယ်
ခေါင်းမာမှုလား
ကျည်တောက်စွပ်ထားတဲ့ ခွေးအမြီးလား
လျှော့ထားခဲ့တဲ့ခါးရိုး
ပြန်ဆန့်ဖို့ မလွယ်ဘူး
အမှားများ၊
အချိန်မတော် ထမင်းနွေး၊ ဟင်းနွေးများ
တံခါးမှာ သော့ခလောက်နဲ့ သော့ကတစ်နေရာဆီ
ငါ့ကို ခွင့်လွှတ်ပါ
ညီမလေးတွေရယ်
ညီလေးနှပ်ထွက်ရယ်
ပြီးတော့
ငါ့မိဘနှစ်ပါးရယ်
အဲဒီ မီးရောင်တွေထဲက မှောင်နေတဲ့အိမ်လေးရယ်
ငါမဆိုခင် ဆုံးနေတဲ့ သီချင်းရယ်
“ငါ အိမ်ပြန်လာပါပြီကွယ်” ။
သးကောင်နဲ့ သတ်ပုတ်ခဲ့တဲ့ ဒဏ်ရာများနဲ့
ညဟာ
အကျယ်ပြန့်ဆုံး ရင်တွင်းသံမှာ ၀ိညာဉ်မဲ့ ။        ။

မိုးသက်