အထီးကျန်

အိမ်ရှေ့ဝရန်တာ
လက်ရန်းပေါ်
မိုးကာအင်္ကျီတစ်ထည်
စိုစွတ်မှုတွေနဲ့ ကျွတ်ဆတ်နေ ။

သူ့မျက်လုံးတွေက
မိုးတိတ်သွားတဲ့ ကောင်းကင်ဆီ
ဖရိုဖရဲဖြစ်နေတဲ့
အနေအထားနဲ့ပဲ ငေးမျှော် ။

သူ့ကို ၀တ်ဆင်ခဲ့သူဆီက
သူခိုးဝှက်ထားလိုက်တဲ့
အလွန် လှပတဲ့ စိတ်ကူးကို
ဘယ်မှာ ထားရမှန်းမသိ
ဖြစ်နေတာပဲ ။

စိတ်ကူးကလည်း
ဘယ်ကိုမှ ထွက်မပြေးပဲ
အင်္ကျီရဲ့ ညင်သာ သိမ်းထုတ်မှုနဲ့
ပျော်မွေ့နေ ။

လူခြေတိတ်တဲ့ တစ်ညသား
ကောင်းကင်က သနားသဖြင့်
သူတို့ တစ်ကိုယ်စာ ဖွင့်ပေးလိုက်တယ်
သူတို့ ထွက်ပြေးကြ ။

အဲသလိုနဲ့
အင်္ကျီတစ်ထည်နဲ့
စိတ်ကူးတစ်ခု ပျောက်နေသူ
လူတစ်ဦးဟာ
ဒီကမ္ဘာမှာ ငေါင်စင်းစင်းကျန်ခဲ့တော့ရဲ့ ။       ။

စန်းဦး